◎All Rights Reserved◎

搬

Sat, 07 Apr 2007 16:12:06 GMT

由於呢度有點不濟，所以搬左去第二度。新地址係：

http://misugi22.mysinablog.com/

玩針灸

Fri, 30 Mar 2007 13:59:55 GMT

話說右手受傷已有一段日子，一開始時都沒去理會它，因為咁多年來，打波/做運動受傷既次數都唔少，但係一般扭親撞親都好少會話去睇醫生，因為明知過幾日就會自己好返。呢次亦一樣，發覺手肘有點痛，但只限於用反手打波同埋用力果陣先會痛，所以一於少理，但過左個幾兩個月都未好過，仲有少少惡化添，先至走去睇跌打，佢就講到唔係好嚴重，好快好云云，睇左幾次，情況未見有特別好轉之餘，隻手仲比佢D敷藥搞到有D敏感，於是唔再睇跌打，轉而去睇西醫，話我應該係條筋發炎，比左幾個星期既消炎藥我，話我食完應該無事。藥食完，依然未見效，覆診時醫生第二句就問「要唔要做物理治療？」(第一句係問邊度唔舒服)，既然你問到，我又未玩過，就試啦，好，排期做物理治療。

做完幾次治療，o係office同同事講開，其中一個讀緊中醫(就黎畢業)既同事又問，「要唔要試下針灸？」，又試下啦，針完又真係好D喎。同物理治療師講開，佢都話好，叫我keep住做。如是者，而家每逢食飯時間，遇著該同事又得閒，都會捉住佢叫佢幫我拮幾針。但每次做針炙，都要坐定定20-30分鐘，隻右手又唔郁得，無乜細藝可以搞，於是就玩起NDL起來，搞到「古有關雲祥下棋削骨療毒，今有我玩住NDS黎針炙」，由於只有左手可用，只可以玩一D淨係拎住支筆就玩到既Game，就係玩D考腦筋遊戲，都幾好玩的。而家希望隻手可以快D好返，可以再去打波啦。

跑步

Sat, 17 Mar 2007 12:06:37 GMT

昨日無意間睇到朋友S個Blog，竟然見到佢話去左跑步，聽佢講話想跑步講左好多次，真係有落街跑既次數就…。我因為手受傷的關係，現在很多運動也不能做了，網球、籃球都停下來，只有周日時打棒球(也不是每個星期日都有得玩呢)，沒錯，手傷了還是照玩可也，因為打棒球時不覺得會痛…。除了棒球外，能做的運動也就只剩下跑步了。N年前還有去做Gym的時候，每星期都會跑個兩、三次，現在一星期會跑一次就已經很不錯了。過年前行過某運動店，見到有Nike+iPod那個sensor賣，心血來潮就買了，還有9折呢，即不用$200。之前已經心思思想買了很久，因為一直對這些無聊小玩意很是有興趣，但就一直都沒買。之後試了好幾次，蠻得意的，配合iPod nano一起用，它就會在你邊跑步，邊聽歌的同時，提供一些你跑步的資訊給你，只要開始跑之前set好想要完成的距離或者時間，那麼一開始後，它就會不時在耳筒裡告訴你跑了多久/多遠，或是還有多久/多小距離就會完成所訂的目標。完成之後就會告訴你實際上跑了多遠、多久、步速和所消耗的卡路里。仲可以把資料upload上網，可看到以住每次跑步的資訊，看看自已有沒有進步的說。我想有了這個玩意之後，會增加我想去跑步的意慾吧，至少我已經連續好幾星期都有在跑呢。

A貨 A-bike

Fri, 16 Mar 2007 18:49:23 GMT

幾個月前，偶然在網上知道一款叫A-Bike既單車上市，一看之下，不得了，那個設計實在很特別，部車又夠細，一向鐘意「的骰」野既我，當然想買返部玩下啦，雖然我就唔係話好鍾意踩單車。但係一睇個價錢…HK$26XX，即刻唔使諗了。幾個月後，某天行經大埔，突然諗起附近有間單車舖，想想會唔會已經有「反蛋」A-bike賣呢？一於去睇下，行到單車舖門口，真係有部「A-bike」放左o係度，即刻問下老闆幾錢，佢話「$1500，正貨黎架，可以拎落黎試下先喎。」我一見個車身上面既「www.nigel.com.cn」就已經知道唔係英國正貨啦，如果你話係大陸正貨，咁…大陸都唔知有幾多「正貨」啦。唔係英國正貨之餘，仲要係大陸野，我已經classiflied左佢係「反蛋」，一部大陸「反蛋」單車，我只會接受佢個價係幾百蚊，你而家話$1500，我梗係掉頭走啦。

之後在掏寶網見到，原來一部「反蛋」A-bike，只係要$4xx，返公司即刻問下有無同事會返大陸，叫佢幫我買部落黎啦。結果有同事話過農曆年會上去，咁就印左幾張A-bike相比佢，等佢幫我上去買啦。過完年返黎，佢話搵到果D，唔係手工相當粗糙，就好似係比人玩過既咁，所以無幫我買到，話遲D再上去的話再幫我買云云。又如是者過了幾星期，某個晚上突然收到電話，我同事話已經幫我買左落黎，叫我稍後出黎接收，老實講其實我度氣已經無左大半，不過既然你話買左，我無理由話唔要架，咁我就終於買了一部「反蛋」A-bike了。

由於收到A-bike的時候已經是夜晚，也就費事落街試啦，在家裡研究那部車點「變身」，最後試到可以大慨二十秒就完成變身過程，雖然比佢所講既十秒就慢左一倍，但都好滿意了。到第二天放工，亦是落街試車的時候了，拎部車落樓，將佢變身成單車，好！開始吧。行直路，因為個轆細，同埋個把手好短(其實係太耐無踩過單車)，所以行車有點搖擺，但都OK行到。之後差不多到馬路邊，咁諗住殺車掉頭啦，點知一殺車，成個人有點向前仆失重心，但個人雙腳落地之餘仍然爪緊把手，但係一望個頭轆，甩左！認真D講，係爛左。個膠做既叉位爛左，完全係收工無得整果隻，好彩當時附近無乜人，我快手收埋部車上返樓，全個試車過程唔夠3分鐘，$430咁就…。A貨 A-Bike，質素果然勁！

變化球？！

Tue, 03 Oct 2006 14:14:23 GMT

剛過去的星期日早上，應棒球班的同學邀請，參與了某場棒球友誼賽，當然知道自己係去「蹬腳」，正確D講應該係「湊人數」，但無所謂啦，都唔知幾耐無打過比賽了，而且對手是真正的球隊，最低限度，個投手真係一個投手，可以投出強勁既直球，之餘…。好喇，終於有機會上場擊球，第一球本來諗住睇定先，點知係好球，出棒遲了，打成界外球，第二球…，發覺好球區出乎意料的大…，第三球也是打成界外球，球數兩好球、零壞。第四球，眼看球要打到自己了，自然反應縮低避，跟住聽到球證叫「Strike，Batter out!」，當場呆了，返回場邊，隊友話頭先捕手接波果陣，連手套都無郁過，係好球來的，是一個急墜的變化球。我心諗，有無咁勁啊？！早知唔避啦，但無理由睇住個波中自己都唔避架。不過我地呢邊最後都贏左場波，但我一定會記住果球，好一個「變化球」。

含冤莫白、百辭莫辯、含屈而終、還我清白…

Fri, 18 Aug 2006 16:18:22 GMT

一個唔係好熟既朋友，嚴格黎講，係朋友既朋友，一個貪過癮而

不理別人感受既舉動，加上一班沒有認真看待我作出反對的人，

搞到我變左一個「無義氣」、「搵棍飛佢啦」的人。我當時係

認真反對被人推做隊長架，大家都見到，我隻手係比別人舉起架，

唔係我自己舉架，你地問有無人反對果陣，我係好認真咁舉手反

對架…，你地當我講笑…，今日我退隊，就比人話「無義氣」，

真係好冤枉呀…。我唯一想講，我無心跣你架教練…。

Photo Album: japan

Sun, 02 Jul 2006 17:17:33 GMT

japan

無軌列車

富士電視台

係人去日本都會去既彩虹橋

北極熊

遊戲機中心一角

遊戲機中心二角

電視台正門

JR列車

車一架

車兩架

More Photos...

Photo Album: 獅子山郊野公園棒球場

Sun, 25 Jun 2006 11:47:56 GMT

獅子山郊野公園棒球場

門口

從外野望向場內

投手丘

投手板-真係一塊板

本壘板

在本壘板望向投手丘

一壘位置上的窿窿

由二壘望向本壘

三壘位置上的窿窿

三壘側

More Photos...

Music List: All Music

Sun, 09 Jul 2006 17:15:07 GMT

All Music

陳綺貞: 微涼的你Demo 2

Custom List: Custom List

Sun, 02 Jul 2006 16:44:21 GMT

新聞女記者

Music List: Cheer

Sun, 21 May 2006 16:44:58 GMT

Cheer

: 旅行的意義